الموقع الرسمي لدوحة الأدب

مجروحه جرح جامد **** من اللي كنتي واثقه فيه

كان هـو كل حـيـاتـك **** كان أمـلك تـكوني لـيـه

سابك وراح لغيرك **** غير مجرى تفكيرك

خلاكي شرانيه وللحب معاديه

مـاشـيـه مـن غـيـر إحســـاس

وشايفه قلوب الناس أحجار صوانيه

حاسه محدش حاسس بيكي **** وكله فرحان حواليكي

خلي بالك الكل زيك **** بيداري الحزن في قلبه

مجروح وحزين وماشي **** بالضحك بيداري غلبه

ما أنتي بتضحكي وتتكلمي**** ومن جوه قلبك بتتألمي

ليه شايفه الناس أشرار

مالك ومالهم

دي قلوبهم في عذاب ونار

من الحب في زمانا القاسي

سيبيهم في حالهم

الحزن أكيد عدى عليهم وجالهم

ده مسابش حد في حاله **** حتى الناس اللي مش محتجاله

بيجيلهم ويوريهم أهواله

ويمشي بعد ما يغير لكل واحد حاله

الناس مش مرتاحين **** وانتي شايفاهم فرحانين

يعني عشان بنضحك نبقى سعداء

ده الضحك الكتير من شيم البلهاء

اللي عندهم الحب داء ومش عارفين الدواء

انتي كمان مجروحـــه منه **** وبتضحكي عشان تهربي منه

لــــو انتي بــجــد سعـــيده **** لـيـه كــارهــه كـــل الــنــاس

ولـيـه مــاشــيـــه وحـــيده **** خــلــيــكــي وســــط الــنـاس

هــلاقـي نـفـسـك ســعــيده **** واللـي جـرحـك تحت المداس

ده إنسان لا يستحق الحياة **** إنـــسـان عــديــم الإحـسـاس

بقلم /

طه علي عبد الحميد

11/11/2011