الموقع الرسمي لدوحة الأدب

ياحلم كنت ايام زمان

باستغربه

اشوف ملاك لا بس قناع

بيجربه

********

قناع مخيف نار وشرار

بيولعه

راكب حصان ف ايده ورق

بيوزعه

ورق كتير وكلام خطيرمفيشي حد

بيمنعه

********

اصحي واصرخ في المكان

معقول ملاك يبقي شيطان

طاب ده ملاك لا ده انسان

لخبطلي مخي

وضيعه

*********

كبرت انا

واحلامي وكبرت كمان

اشوف ملاك مش بس لابس قناع

ده لابس معاه مليون شيطان

قناع كدب قناع غش قناع خداع

قناع جبان

*******

قناع بيسرق بيه بلد

قناع بيقتل بيه ولد

قناع معاه شنطه دمار

قناع ميعرفشي هزار

وقناع غير كل الاقنعه

القناع ده..........

خان

********

اوعي يا مصر تسامحي أي حد

خان

اوعي تسامحي اللي باع ارضك وعرضك

وبارخص الاتمان

الي خطف اعمار شبابك وقام دبحهم في

الميدان

اوعي تكوني فاكراه ملاك ولا بشر

لا ده شيطان... خاين

جبان

******

عمري مهنسي ام بتوس راس ولدها اللي

مات

عمري مهنساها وهيه تصرخ

ولدي مات

انا ولدي مات........... يا ثوره مصر

انا ولدي مات.. مش بس مات ف مصر

ف ليبيا ولدي مات..وف تونس ولدي مات

ف اليمن ولدي مات... وف سوريا ضربوه بالمدافع بالساعات

ولدي مات

بس مات شهيد.. ومات بطل

*********

فينكم يا عرب...يا اشاوس...يا بايعين القضيه

هتقولو ايه لربنا..هترمو علي مين المسئوليه

ارواح اولادنا... حملاها رقبيكم

ودم اولادنا بينقط من ايديكم

ااااااه ياظلم الانسان...ااااه ياجبروت الظالم

ااااااااه سيطرت الطغيان

يارب انت المنتقم

يارب انت العدل..خليك مع اللي اتظلم

ودمر الظالمين

ورايه الحق خليها دايما عاليه يا احكم

الحاكمين

اييد ولات الامر الاتقيا

الصالحين

واحفظ بلادنا علي ايديهم.....يارب العالمين

امين يارب العالمين

كلمات

سيف عثمان