أنا رايح يا أمي بلدي بتنادي
بتصرخ من القهروتقول فين ولادي؟
إدعيلي يا أمي دي المحروسة أرضي، وأرض
أجدادي
هكتب لمصر تاريخ ودمي هيكون مدادي
دق الباب جالي صاحبه وبعد طول سكات
قالي إبني مات
جريت علشان أشوفه،،أودعه،،لقيت عروقه لسة فيها
حب مصر لحد الممات
قريت الفاتحه للشهيد
إبني مماتش إبني في الجنة وف عيد
بس لسة المحروسة دمعتها منشفتش
لسة حق إبني مرجعش
ولسةياناس الظلم مخلصش
إبني راح لما هتف سلمية..سلمية
خرج ينادي بالكرامة..والحرية
عمرشبابنا ما كانوا بلطجية
وعمر مصر ماكانت عزبه ولاتكية
دي بلدنا كانت مدبوحة وبيلعبوا فيها عسكر،وحرامية
إبني من جيل خمسة وعشرين
اللي كانوا بيقولوا عليهم فاشلين
وكمان دماغهم فاضية وللدنيا
منفضين
دة شبابنا مفيش زيه ع مر السنين
عايزة حق ولدي
ووحشتني بجد ضحكة بلدي
ونفسي مصر تفك الحداد،وتغير وشها الحزين
0 التعليقات:
إرسال تعليق